دينكم إيه لشاعر العاطفة محمد السعيد

دينكم إيه
ياللى بتقتل وبتستقوى
ليه بتستغبى بأى كلام
إنت مفكر إنك أقوى
والدنيا دى بحالها حرام
ياللى بتقتل إسأل نفسك
هوا القتل حقيقى حلال
ولا عقيدة غارسها فى َنفسى
أقتل َعمال على بطال
ياللى بتقتل دينك إيه
تقتل ناس سلمية فى مسجد
ناس بتصلى تقول الله
واللى بيركع واللى بيسجد
ياللى بتقتل مين أكدلك
إنك رايح جنة وحور
تقتل ناس بتصلى وتعبد
وبتتباهى كمان فى النور
ياللى بتقتل إنت جبان
فاكر نفسك صح أمين
عايش على هيئة إنسان
ولا ليك ِملة ولا ليك دين
ياللى بتقتل إقرأ تانى
جايز تتغير وتتوب
حلم الجنة مش اللى معاك
أصل الجنة قدر مكتوب
كلمات / شاعر العاطفة محمد السعيد

تسلم ايديك ياشاعر ياكبير