قصيدة تزوير للشاعر محمد السعيد شاعر العاطفة

تزوير
شئ غريب لما تعيش جوه الزير
كوز فخار مقفول عليك وانت صغير
ولما تكبر تحاول تطلع وتشوف الخير
تلاقى الدنيا حواليك كدب وتزوير
كل حاجة بقت غش وخداع وتمثيل

قتل ونصب وخطف وسرقة حبل الغسيل
وتيجى تسأل الفرق بين النملة والفيل
يقولك فرق شاسع بس محتاج تعديل
مفيش حاجة ليها طعم ولا شكل ولا لون
حتى العاقل الشريف بقى حرامى ومجنون
ونظرة الناس ليك بتختلف مع إختلاق العيون
مع إننا كلنا عايشين على نفس الكون
بس برضه هيكون فيه ناس عايشة بهموم
وناس بتدور على حياتها جوه الهدوم
وناس تتمنى تلاقى خير ولو ليوم
وناس اتعودت ع الشر يوم بعد يوم
كلمات شاعر العاطفة محمد السعيد