راضى على حسين يكتب: بحار بلا مجداف

راضى على حسين يكتب: بحار بلا مجداف


السبت، 20 نوفمبر 2010 - 09:21
[ندعوك للتسجيل في المنتدى أو التعريف بنفسك لمعاينة هذا الرابط]
ماشى لوحدى فى طريق
زى غريق
مش لاقى مجداف ولا شط
ماشى فى ضلام
بكتب كلام
بنزف ألام
تايه فى بحر الدموع
زى موج بينشال وينحط
مش لاقى للأحلام بريق
عايش الوحده بين الناس
مخنوقه جواى الأنفاس
عطشان
وف إيدى يا سيدى الكاس
مدبوح جواى الإحساس
بتكعبل فوق الخط
بتعذب من ألم الواقع
والكلمه المنطوقه غلط
جواى الشوق بيهب حريق
مش لاقى هروب
باين إنه علينا مكتوب
نمشى ف طريق
مليان أشواك
مليان حـُـفـَر
وساعات مسدود بحجاره
وساعا نلقاها زلط
ماشى فى طريق
زى بحار غريق
مش لاقى مجداف ولا شط