حمدى يوسف يكتب: للمتحرشين فقط

حمدى يوسف يكتب: للمتحرشين فقط


الأحد، 28 نوفمبر 2010 - 02:10
[ندعوك للتسجيل في المنتدى أو التعريف بنفسك لمعاينة هذا الرابط]
عاكس القطه تخربشك
واتحرش بأنثى تهبشك
اشرب لك عصير ينعشك
ولا اسمع نكته حلوه تفرفشك
سيبك م المشاكل تدوشك
اشغل فراغك بكتاب يثقفك
لو شفتها ف ميدان
ولا قابلتها ف دكان
اهرب لأى مكان
لتسمع لفظ يخدشك
متعملش روحك فتوه
لو شفت منظر مش هو
خليك شاب محترم
انسى مرة إنك برم
لتخدها كعب داير
وتقضى عمرك حاير
اللى إنت شايفها
ف الرايحه تشاغلها
والجايه تناغشها
إعمل نفسك مش شايفها
تلاقيها بنت جارك
ولا حتى أخت صاحبك
وإن كنت طول نهارك
خارج بره دارك
امشى مستقيم
أوع تكون لئيم
خليك دايما حكيم
ليطولك العقاب
وتشوف أيام هباب
فى النهاية يا صاحبى
مع حبى وتقديرى
خلينا بعيد عن الميرى
وماتقولش أيه ذنبى
لو البنات عكشوك
بأبو وردة ضربوك
وبأهلك سبوك
على أقرب قسم شرطة
يا خفيف جرجروك