خاطب واحدة اكبر منى سنة

السلام عليكم ورحمة الله وبركاته

انا هقولكم قصتى وعاوز رايكم فيها

انا حاليا خاطب وكانت خطوبة صالونات مش بعد قصة حب ولا حاجة
كل الى حصل انى شوفت خطيبتى دى هى واختها وامهم فى مناسبة معينة
وخالتى قالتلى ايه رايك تختار واحدة من البنتين دول تخطبها
فانا اخترت خطيبتى الى معايا حاليا والحمد لله خطيبتى ميلة ومحترمة جدا ومؤهل عالى وبنت ناس محترمة اوى يعنى باختصار فيها كل الصفات الى اى حد يتمنها فى البنت الى يتمنى انها تكون خطيبته فى الايام دى
بس المشكلة الى عندى انى بعد الخطوبة اكتشفت انها اكبر منى بحوالى سنة ومحدش يقولى انت الغلطان والمفروض كنت تسال قبل ما تخطب لانى فعلا سالت وعرفت انها متخرجة بعدى بسنة يعنى طيبعى انها تكون اصغر بس طلعت اكبر منى وبصراحة الموضوع ده ماثر فيه الى ابعد الحدود لدرجة انى فى اوقات اتمنيت ان يحصل اى حاجة وننفصل والخطوبة تتفض من اصله مع ان خطيبتى مفيش اى حاجة غلط فيها وانا متاكد انها بتحبنى وبتخاف عليا بس موضوع السن ده ماثر فيا من ناحية المشاعر وبقى عندى حتة برود عاطفى كدة

حد يقدر يقولى انا بفكر صح ولا غلط واعمل ايه فى مشكلتى دى

الحب مفهوش مقياس