قصيدة مصر وردة دبلانة للشاعر محمد السعيد شاعر العاطفة

مصر وردة دبلانة
حالك يامصر كحال الوردة الدبلانة
مقطوفة بشراسة ومجروحة وغلبانة
فيكى الغنى بيدى الفقير حتة لبانة
والقوى بيدوس ع الضعيف وبكل مهانة
ناس بتشقى وبتتعب عشان تعيش مرتاحة

وناس أساسا مرتاحة وعايشة بكل سبل الراحة
وناس بتفرم وتدوس اللى قدامها بدون سماحة
وكل ده عشان العيشة صعبة والحياة دباحة
خيرك يامصر موجود بس الايد دايما بطالة
وشعبك كسول واحنا اللى اخترعنا الكسالة
عاوزين نبنى ونتقدم بس مفيش فرصة شغالة
واللى يجيله فرصة ويشتغل تبقى أخره البقالة
نفسى يامصر ترجعى تانى قوية
مكانة وقوة وتقدم ورمز للحرية
وعمل وكفاح وثقافة اجتماعية
ومكان الوردة الدبلانة وردة عفية
كلمات / شاعر العاطفة محمد السعيد